દુરુપયોગ કરતી પદ્ધતિઓ અને સ્કૅમ બાબતે સાવચેત રહો

વિવિધ પ્રકારના સપોર્ટ અને છબી અથવા કોઈપણ પ્રકારની ડેટાની અપડેટ પ્રદાન કરતા લોકો પોતાને Googleના કર્મચારીઓ તરીકે ઓળખાવે તો તેમણે લીધેલી મુલાકાતો અથવા તેમના દ્વારા થતા સંપર્કો બાબતે કાળજી રાખો. અમે ભારપૂર્વક જણાવીએ છીએ કે આ કંપનીઓને Google વતી વાત કરવાનો અધિકાર નથી અને તેમણે પોતાની ઓળખ સ્વતંત્ર કરાર કરનાર તરીકે આપવી જરૂરી છે.

જ્યારે પણ Google વતી તમારો પ્રત્યક્ષ સંપર્ક કરવામાં આવે ત્યારે કૃપા કરીને તેને ધ્યાનમાં ન લો તેવી અમારી ખાસ સલાહ છે, પછી ભલે તે સંપર્ક નીચે આપેલા કિસ્સાઓમાં ઉલ્લેખિત કોઈપણ કારણે કરાયો હોય:

મેટ્રિકનું માપન કરવા, ડિજિટલ મીડિયા, ડિજિટલ વલણો/નવા ડિજિટલ પ્લૅટફૉર્મ અને વ્યવસાયલક્ષી નવા વલણો અંગે જાણ કરવા; મીડિયા બાબતે સલાહ આપવા, વગેરે જેવા કારણોથી Google વતી સેવાઓ/તાલીમ ઑફર કરવી;
Googleની સેવાઓના નિયમિત ઑપરેશન સાથે સુસંગત ન હોય તેવા વચનો આપવા, જેમ કે કોઈપણ Search, Google Street View અથવા Google Maps પર આગવી પ્લેસમેન્ટની ખાતરી આપવી;
ટેલિમાર્કેટિંગના સતત ફોન કૉલ અથવા Googleના પ્લૅટફૉર્મ પરથી કન્ટેન્ટ કાઢી નાખવાની ધમકી થકી કરાર કરતા પક્ષ પર દબાણ લાવવું.

અહીં એ બાબત નોંધવી જરૂરી છે કે, Google ફોટોગ્રાફર અથવા એજન્સીને નિયુક્ત કરતું નથી. આ ફોટોગ્રાફર/એજન્સી સ્વતંત્ર એકમોના ભાગ હોય છે અને બધી વાટાઘાટો Googleના હસ્તક્ષેપ અથવા સહભાગિતા વિના હાથ ધરાય છે.

અમારા માટે વપરાશકર્તાની સલામતી ઘણી મહત્ત્વની બાબત છે. તે કારણસર અમે Google બ્રાંડ અને તેના પ્લૅટફૉર્મના ઉપયોગ પર નિયંત્રણ રાખીએ છીએ. કોઈપણ એકમને નીચે જણાવેલી બાબતોનો અધિકાર નથી:

કંપનીના વાહનો પર Street Viewનું આઇકન, બૅજ અને/અથવા લોગો જેવી Googleની બ્રાંડનો ઉપયોગ કરવાનો;
Google બ્રાંડ, Google Maps અને Street View અથવા અન્ય કોઈ Google ટ્રેડમાર્ક અથવા ડોમેન નામમાં હોય તેવી કોઈ વસ્તુઓનો ઉપયોગ કરવાનો;
પોશાકની વસ્તુઓ (યુનિફોર્મ, વગેરે) પર Google બ્રાંડ, Google Maps અને Street View અથવા અન્ય કોઈ Google ટ્રેડમાર્ક અથવા તેના જેવી કોઈ વસ્તુનો ઉપયોગ કરવાનો;
તેમની Google Business Profile પર Google, Google Maps અને Street View બ્રાંડ અથવા અન્ય કોઈ Google ટ્રેડમાર્ક અથવા તેના જેવી કોઈ વસ્તુનો ઉપયોગ કરવાનો;
કોઈ ખાસ પ્રોડક્ટ અથવા સેવાને Googleનું સમર્થન હોવાનું સૂચવાય તે રીતે કોઈપણ Google ટ્રેડમાર્કનો ઉપયોગ કરવાનો.